Mitmache
Mir suechet Zürcher Stimme
Jedi Sekunde Dialekt, wo Si bi Heidi ghöred, chunt vo mene echte Mensch us Züri. Das isch tüür und langsam, und mir mached s trotzdem.
Werum nöd eifach synthetischi Stimme
De ehrlich Grund isch nöd, dass es kei Schwiizerdütsch-Sprachsynthese gäbti — es git inzwüsche weli. De Grund isch d Lizänz. Jedes Zürcher Sprachkorpus wo mir gfunde händ, isch für d Forschig freigäh und nöd für es Produkt. Wer echts, suuber lizenzierts Züritüütsch mit Iiwilligung bruucht, mues es sälber ufnäh. Dezue chunt, was synthetischi Stimme sowieso schlächt chönd: Tempo, Nuschle, Zögere, de Unterschied zwüsche zwei Mensche us em gliiche Quartier.
Was mir bruuched
- Lüüt wo im Kanton Züri ufgwachse sind oder lang do läbed.
- Ganz gwöhnlichi Sätz — kei Vorläse vo Literatur.
- Verschideni Altersgruppe, Gschlächter, Quartier, Redetempi.
- Zwänzg Minute vo Ihrer Ziit, bi Ihne oder bi öis.
Was mit de Ufnahm passiert
Si behaltet d Kontrolle. Mir säged Ihne vorher, wofür d Ufnahm bruucht wird, Si chönd si zrugzieh, und d Iiwilligung fürs Produkt isch nöd diselb wie eini für d Forschig. Mir gönd dervo us, dass Si s Letschte nöd wänd, solang Si s nöd uusdrücklich säged.
Mälded Si sich
E churzi Nachricht längt. Schriibed Si öis, us welem Teil vom Kanton Si chömed.
E-Mail schriibeheidi@fleetcrown.orangecat.ch